Zementazioa eta Karbonitrurazioa azaleko prozesu termokimikoak dira, altzairuen gainazaleko egitura karbonoz eta/edo nitrogenoz aberasten dutenak, tratatutako piezetan geruza gogortua eta erresistentea lortuz gainazalean, eta nukleo iraunkorra. Prozesu horien helburua da piezek talkaren eta higaduraren aurrean duten erresistentzia eta piezen zailtasuna hobetzea, piezaren jatorrizko nukleoa eraldatu gabe.

Labearen barruan karbonoan edo nitrogenoan (kasuaren arabera) aberatsa den atmosfera sortuz hasten da prozesua. Ondoren, tenperatura altuetan jartzen dira piezak (900ºC inguru) hainbat orduz, karbonoa eta/edo nitrogenoa gainazalean sar daitezen ahalbideratuz. Kontrolatutako atmosfera batean gauzatzen da prozesu osoa, karbonoaren potentziala automatikoki erregulatuta. Ondoren, labeak berak duen hozte-ganberara sartzen dira piezak, eta han egiten da tenplaketa oliotan. Zementazio- eta tenplaketa-prozesua amaitu ondoren, piezak beste labe batera eramaten dira iraoketa prozesua amaitzeko, karbono-portzentaje ezberdina duten materialaren zona bakoitzari dagozkion ezaugarriak lortzeko.

Piezak maskaratu egin daitezke, interesatzen ez diren zonak zementatu ez daitezen. Batzuetan, ondoren hutseko labeetan tenplatzen dira zementatutako piezak.

Denbora errealean ikuskatzen eta erregistratzen dira kontrol-parametro guztiak, tratamenduaren kalitatea bermatzeko. 0,1 eta 3 mm arteko geruza-lodierak lor daitezke, gainazaleko geruza gogor eta erresistentea lortuz.

TTT Taldeak Zementazio eta Karbonitrurazioko tratamenduak egiteko beharrezko ziurtagiri aeronautikoak eta automoziokoak ditu; horrela, industria aeroespazialean exijitzen diren kalitate-estandarrak eta -eskakizunak betetzen ditugula ziurtatzen dugu.

Talkaren eta higaduraren aurrean erresistentzia handia eta zailtasuna behar duten piezetan aplikatu ohi da Zementazio eta Karbonitrurazioko tratamendua. Pieza horien artean daude engranajeak, piñoiak, espekak, ardatzak, zorroak, errodamenduak, torlojuak eta bielak, bai eta automobilgintzan, aeronautikan, altxatze-sistemetan, garraioan eta ondasun-ekipamenduetan erabiltzen diren beste osagai batzuk ere.

Automobilgintzaren eta aeronautikaren industriak, altxatze-sistemen alorra, garraioarena eta ondasun-ekipamenduena dira tratamendu horien aplikazio-eremu nagusiak. Erresistentzia eta iraunkortasun handiko osagaiak behar dituzte sektore horiek, haien produktuek modu seguru eta eraginkorrean funtziona dezaten bermatzeko. Automobilgintzaren sektorerako, IATF Ziurtagiria dugu.